| Profileεïз•м.i.s.s.3αηεε∂α•εïз ...BlogLists |  Tools  Help |
|
May 15 •الشاعر محمد جارالله السهلي•• • • •
ما عاد تفرق لو خذاك الوقت او جابك
فالحالتين الموت اقرب لي من ظلالي !! أمـــا بموت من الوله لا طـوّل غيابك ولا بموت من الفرح لا شفتك قـبالي !! • • • •
( اصعب سؤال ) اللي جوابه للأسف مثله ( سؤال ) !!
ما هو تفلسف !! الا موقف صار واسمع " ثاني بيت" : البارحه يومه سأل : ( وش ذكرك ذيك الليال ؟ ) كان الجواب بكل بساطه : ( من متى اصلا نسيت ؟ ) ادري بان جمع ( الصعوبه والبساطه ) شي محال !! لكنها صارت كذا ! واللي (( اهم )) اني دريت : ان الحياه فبعد احبابك اذا جف الوصال اتعيشها لو تقتنع انك خلااص اصبحت ( ميت !!) يا صاحبي لو كل شي يمر بالخاطر يقال ما كانت العبره تــــولجني اليامنك طريت ؟! شفني قدرت احبس دموعي بس ( دمع القاف ) سال ويا كبرها ساكت ولكن داخل اوراقي بكيت !! عمر الحكي ما كان دافي لاابتدى بقولة تعال لجل اتجاهل رجفة حروفي اليامني حكيت .. الحال في بعدك قسم بالله ما اسميه حال انوي على الضحكه واحس كلي خطا لاني نويت ؟! اتصور انك من رحلت اشوفك لجسمي ظلال لا شفته امشي ببتعد واثره معي مهما مشيت !! مدام يعني في بحرك لفرحتي مليون جال وش فيه موجك ما ركد ؟ قربت اموووت وما رسيت .. يرضيك ما عادت معي تفرق اذا جالك مجال لاني اقتنعت انك نهايه واني ببطي ما بديت !! صرت ( اعقد حجاجي ) اذا جابوك باطراف الجدال وانا قبل لاقالوا اسمك كني : ميت ثم حييت .. تعبت اعيش الدور وافتح للمعاذير الخيال واتخيل اني جيت في بالك وبانك استحيت .. وتردلي كلك (( وله )) وتقول : ( كن البعد طال ؟ ) ومن الفرح ما عاتبك واقول : ( ياخي مابغيت ! ) حتى وانا تخيل حشمتك ! لن قلبي لا يزال يكرر اسمك داخل اعماقي بنبضه لا سهيت .. قلي شسوي فيك ؟ وانت بداخلي اصدق مثال للحب واحساس القصيد ان عانق الليل وسريت .. ربي يصبرني على الفرقا مدام الحظ مال وانت بيجيلك يوم تعرف ليه في بعدك شكيت .. واذا بلاك الله وعذبك اشتياقك (( بس تعال )) واقرى القصايد في غيابك كلبوها بيـــت ... بيـــت .. بتدرى ان ( اصعب سؤال ) اللي يجي رده ( سؤال ) لا قلتلي ( وش ذكرك ؟ ) ثم قلتلك ( متى نسيت ؟ ) • • • •
يا كبر ذنب السؤال .. ويا ثقل دم الاجابه !!
لا انتهى حبك وصدرك مختنق بحروف (( ليه )) ؟؟ وقتها كن خافقك ( جالي ) وحزنك ( شيخ لابه ) اتصـــدّد .. لكن الدنيا تحـدك.. تنتخيه .. يا رفيق الهم .. علمني اذا عيني ربابه .! منهو يسمع نزفها لامن نظرها ويحكيه ؟؟ بسئلك بالله قلي : عن شقا الدرب وسرابه كيف علقني بكذبة .. (( باكر اوصل وارتويه !! )) لو فقلب الليل رحمه ما فتح للجفن بابه : وعشمه في حب نجمه .. يدري انها ما تبيه !! ولو يضيق الكون بالطعنات تلقى بي رحابه لا تعكر بال خنجر .. تركض ظلوعي تجيه !! لا يشيل الهم ( همه ) دام تجمعه القرابه في صدر شاااعر يعده : واحدٍ منـه و فيه .. له علي .. دامه يبيني ما اخونه في غيابه كان ما جالي اجي له .. يحتويني واحتويه .. ولي عليه .. انه ما ينساني ويصفطلي عذابه ولا يعرضني لضحكٍ صدق ما عاد اشتهيه .. اقسى من حزني وهمي الفرح حضرة جنابه !! لا طرى ما يطري الا.. منهو عرفني عليه .. ذاك من يحكي على عيني وتقنع باغترابه لجل تعتق صورةٍ فيني سجنت كل الوجيه ؟! غايتي ( فرح الحزن ) لا ينكسر بالقلب نابه وخوفي لا ( حزن الفرح ) يخنق لي انفاسي بيديه !! من ورى قلبي رسمتك غيم يحكي بوح غابه كل غصنٍ منحني فيها يمدله راحتيه .؟ هاك صدري شوف بعيونك متاهات الغلابه في شوارع هالحنايا كم متشرد نزيه ؟؟ لا قبل عطف السنين .. ولا رضى بسلم الذيابه ما سئل كود الاماني .. يا الاماني جاوبيه .. ويش اقول وويش اخلي .. والبلاوي ما تشابه غير لا قالت في قلبي لا حشى مالي شبيه !! ليت في وجه الزمن (( ذرة حيا )) واحسب احسابه احشمه لجل يحشمني .. دون شي ٍ أحتريه .. وليت شعري ما يخيّب هقوة اللي قد هقابه لا تولّج هاليمين وصحت فيهااا اكتبيه .. وليت دربي لا نثنت رجلي يقدرني ترابه كان وربي ما احاتي قولت : ( ازرى ينتهيه ) .. بعدها بذيّل اسمي بآخر دموع الكتابه دام كل بيت بقصيدي شال دمعة ما يليه !! هذا انا يا صاحبي حلمي الاقي لي اجابه لا انفجر صدري وضاقت دنيتي بحروف (( ليه )) !!
• • • •
Comments (6)
TrackbacksThe trackback URL for this entry is: http://a3q.spaces.live.com/blog/cns!70B518D6BBFA8950!1312.trak Weblogs that reference this entry
|
|
|
